मुंबई : सामाजिक न्याय विभागाच्या विविध योजना सर्वसामान्य घटकांचा आर्थिक व सामाजिक विकास होण्यासाठी तयार करण्यात आलेल्या आहेत. त्याचा लाभ सर्वांनी घ्यावा असे आवाहन सामाजिक न्याय मंत्री संजय शिरसाट यांनी केले..
भारतरत्न डॉ. बाबासाहेब आंबेडकर यांच्या ६९ व्या महापरिनिर्वाण दिनानिमित्त दिनांक ६ डिसेंबर २०२५रोजी दादर येथील शिवाजी पार्क येथे सामाजिक न्याय विभागाच्या वतीने उभारण्यात आलेल्या माहिती स्टॉलच्या उद्घाटन प्रसंगी ते बोलत होते. दिनांक ५ व ६ डिसेंबर २०२५ रोजी महामानव डॉ. बाबासाहेब आंबेडकर यांच्या महापरिनिर्वाण दिनानिमित्त सामाजिक न्याय विभाग अंतर्गत येणारे विविध महामंडळे व सामाजिक न्याय विभागाच्या योजना याची माहिती सर्वसामान्य लोकांपर्यंत व्हावे यासाठी दरवर्षी प्रमाणे माहिती प्रसिद्धी स्टॉल उभारण्यात आला आहे.. या कार्यक्रमास सामाजिक न्याय विभागाचे प्रधान सचिव डॉ.हर्षदीप कांबळे, महासंचालक डॉ. सुनील वारे डॉ .बाबासाहेब आंबेडकर संशोधन प्रशिक्षण संस्था बार्टी पुणे, मुंबई विभागाचे समाजकल्याण प्रादेशिकउपायुक्त बाळासाहेब सोळंकी, सहाय्यक आयुक्त समाज कल्याण मुंबई शहर रविकिरण पाटील, इत्यादी मान्यवर व विविध महामंडळाचे पदाधिकारी उपस्थित होते.
