वृत्तसंस्था : ८ डिसेंबर २०२५ हा दिवस भारतीय प्रादेशिक चित्रपटसृष्टीसाठी, विशेषतः बंगाली चित्रपटसृष्टीसाठी खूप दुःखद ठरला. चार दशकांहून अधिक काळ आपल्या अभिनयाने प्रेक्षकांचे मनोरंजन करणारे ज्येष्ठ अभिनेते कल्याण चॅटर्जी यांचे वयाच्या ८१ व्या वर्षी निधन झाले.
बराच काळ आजारी असलेल्या या ज्येष्ठ अभिनेत्याने कोलकाता येथील सरकारी रुग्णालयात अखेरचा श्वास घेतला. त्यांच्या निधनाच्या बातमीने संपूर्ण बंगाल, बॉलिवूड आणि नाट्यविश्व शोकाकुल झाले आहे. गेल्या काही महिन्यांपासून ते विविध आरोग्य समस्यांशी झुंजत होते आणि त्यांना रुग्णालयात दाखल करण्यात आले होते. वय आणि टायफाईडमुळे त्यांची प्रकृती बिकट झाली होती. अखेर रविवारी रात्री उशिरा त्यांनी अखेरचा श्वास घेतला. त्यांच्या कुटुंबियांनी पुष्टी केली की त्यांचे अंतिम संस्कार कोलकाता येथील केवर्तला स्मशानभूमीत करण्यात आले.
