पुणे : हडपसर भागातील एका खासगी रुग्णालयात बुधवारी दुपारी रुग्णाच्या नातेवाईकांनी तोडफोड केल्याची घटना घडली. हडपसरमधील एका खासगी रुग्णालयात उपचारा दरम्यान एका रुग्णाचा मृत्यू झाला.
त्यानंतर रुग्णाच्या नातेवाईकांनी आवारात गर्दी केली डॉक्टरांच्या चुकीमुळे रुग्ण दगावल्याचा आरोप करून नातेवाईकांनी बुधवारी दुपारी साडेबाराच्या सुमारास तोडफोड केली. या घटनेची माहिती मिळताच हडपसर पोलीस ठाण्याचे वरिष्ठ पोलीस निरीक्षक संजय मोगले यांनी घटनास्थळी धाव घेतली. तोडफोडीनंतर रुग्णालयाच्या परिसरात तणाव निर्माण झाला हडपसर पोलिसांनी अतिरिक्त बंदोबस्त मागविला.याप्रकरणी काही जणांना ताब्यात घेण्यात आले आहे, अशी माहिती पोलीस निरीक्षक मोगले यांनी दिली.
