ठाणे : रामनवमीच्या निमित्ताने गंधार इव्हेंट्स आयोजित आणि एस.डी.आर्ट्स निर्मित “संगीत रामायण (हिंदी)” हा भव्य संगीतमय कार्यक्रम दि.२६ मार्च २०२६ रोजी सायंकाळी ४.०० ते ७.०० वाजता राम गणेश गडकरी रंगायतन, ठाणे येथे आयोजित करण्यात आला आहे.
महर्षी वाल्मीकी यांच्या अमर काव्यरचनेवर आधारित हा कार्यक्रम प्रभू श्रीरामांच्या जीवनातील विविध प्रसंग, आदर्श आणि मूल्ये संगीताच्या माध्यमातून रसिकांसमोर सादर करण्यात येणार आहे. या कार्यक्रमाचे संगीत दिग्दर्शन विदुषी श्रीमती आशा खाडिलकर यांनी केले असून, गीत रचना श्री. सुनील सुधाकर देशपांडे यांची आहे. कार्यक्रमात सुप्रसिद्ध गायक वेदश्री ओक, केतकी चैतन्य, डॉ. राम पंडित आणि आमोद दातार आपल्या सुरांनी रंगत आणणार आहेत. तसेच कार्यक्रमाचे निवेदन कौस्तुभ दिवाण करणार आहेत. या सादरीकरणात उत्कृष्ट वाद्यवृंद आणि नृत्याची आकर्षक जोड असल्याने हा कार्यक्रम अधिकच भव्य आणि दर्जेदार ठरणार आहे. या सांस्कृतिक उपक्रमास पीस्क्वेअर एज्यूस्पोर्ट्स फाउंडेशन यांचे सहकार्य लाभले आहे. कार्यक्रमास उपस्थित राहण्यासाठी किंवा अधिक माहितीसाठी रसिकांनी ८६९२०३३३६३ (श्रीमती रुपाली) या क्रमांकावर संपर्क साधावा, असे आवाहन आयोजकांनी केले आहे.
