वृत्तसंस्था : गेल्या अनेक महिन्यांपासून ज्या क्षणाची रश्मिका मंदाना आणि विजय देवरकोंडा चे चाहते वाट पाहत होते, तो क्षण अखेर आला . दाक्षिणात्य सुपरस्टार विजय देवरकोंडा आणि ‘नॅशनल क्रश’ रश्मिका मंदाना आज, २६ फेब्रुवारी २०२६ रोजी विवाहबंधनात अडकले . राजस्थानमधील उदयपूर इथल्या ‘आयटीसी मेमेंटोज’ या आलिशान हॉटेलमध्ये हा शाही विवाहसोहळा थाटामाटात पार पडला.
विजय आणि रश्मिका यांनी आपल्या दोन्ही संस्कृतींचा मान राखत दोन वेगवेगळ्या पद्धतीने लग्न केलं. सकाळी १०:१० वाजता पारंपारिक तेलगू पद्धतीनुसार हा विवाहसोहळा पार पडला. त्यानंतर संध्याकाळी रश्मिकाच्या मूळ संस्कृतीनुसार, म्हणजेच कूर्ग (कोडावा) पद्धतीनं दुसरा विधी संपन्न झाला. या सोहळ्याचा एकही फोटो लीक झाला नव्हता. आता त्यांनी अधिकृतपणे फोटो शेअर करत चाहत्यांनाही त्यांच्या आनंदात सहभागी करून घेतलं आहे. रश्मिकानं खास फोटो आणि कॅप्शन शेअर करत लग्नाचे फोटो सोशल मीडियावर शेअर केले आहेत. या फोटोंमध्ये रश्मिका अतिशय सुंदर दिसत आहे. तिनं लग्नासाठी लाल, सोनेरी, भगव्या रंगाची भरजरी सिल्क साडी नेसली होती, तर विजयनं पारंपारिक पांढरे धोतर आणि लाल रंगाची नक्षीकाम केलेली शाल परिधान केली होती. रश्मिकानं तिच्या इन्स्टाग्रामवर फोटो शेअर करताना विजयचा उल्लेख “माझा पती” असा करत एक भावुक पोस्टही लिहिली आहे.
