कोल्हापूर प्रतिनिधी : पुण्याप्रमाणेच कोल्हापूर येथे देखील खून दरोडे या सारख्या घटना वाढल्या आहेत. कोल्हापूर कोल्हापूर जिल्ह्यातील हुपरीतील एका चांदी व्यापाऱ्याची हत्या करण्यात आल्याने खळबळ उडाली आहे. धार धार शस्त्राने छातीत वार करून ही हत्या करण्यात आली आहे. या सोबतच त्यांच्या दुकानातील २५ किलो चांदी देखील लंपास करण्यात आली आहे. ब्रह्मनाथ सुकुमार हालोंढे असे या खून झालेल्या चांदीच्या व्यापाऱ्याचे नाव आहे. या प्रकरणी त्यांचा धाकट्या भावाला अटक करण्यात आली आहे.
पोलिसांनी दिलेल्या माहितीनुसार या प्रकरणी भाऊ प्रवीण सुकुमार हालुंडे याला संशयित म्हणून हुपरी पोलिसांनी अटक केली आहे. या प्रकरणी गोकुळ शिरगाव पोलिस ठाण्यात गुन्हा दाखल करण्यात आला आहे. पोलिसांनी ब्रह्मनाथ सुकुमार हालोंढे यांचा मृतदेह ताब्यात घेतला शवविच्छेदनासाठी तो शासकीय रुग्णालयात पाठवण्यात आला आहे. ही घटना हुपरी येथील पंचतारांकित औद्यागिक वसाहतीतील सिल्व्हर झोनमध्ये रविवारी संध्याकाळी घडली. हालुंडे यांची हत्या केल्यावर आरोपीने यांच्या घरातील कपाटातील १५ लाख रुपये किमतीचे चांदी व काही दागिने लंपास केले. या प्रकरणी पोलिसांनी संशयित म्हणून ब्रह्मनाथ हालुंडे याच्या धाकट्या भावाला अटक केली आहे. ब्रह्मनाथ हा अविवाहित व धार्मिक प्रवृत्तीचा होता. ब्रह्मनाथ व त्याचा भाऊ यांच्यात कौटुंबिक वाद होते. यामुळे दोघेही वेगवेगळे राहत होते. यामुळे त्याचा भाऊ प्रवीण सुकुमार हालुंडे याला पोलिसांनी ताब्यात घेतले आहे.
