मुंबई : डॉ. बाबासाहेब आंबेडकर यांच्या महापरिनिर्वाण दिनानिमित्त अनुयायांच्या सोयीसाठी गुरुवारी मध्यरात्री परळ – कल्याण आणि कुर्ला – पनवेल स्थानकांदरम्यान १२ विशेष लोकल चालवण्यात येणार आहेत. या लोकल सर्व स्थानकांवर थांबणार आहेत. मध्य रेल्वेने दिलेल्या माहितीनुसार, मध्य रेल्वेवरील कुर्ला – परळ विशेष लोकल कुर्ला येथून गुरुवारी रात्री १२.४५ वाजता सुटेल आणि परळ येथे रात्री १.०५ वाजता पोहचेल. कल्याण – परळ विशेष लोकल कल्याण येथून रात्री १ वाजता सुटेल आणि परळ येथे रात्री २.१५ वाजता पोहोचेल. ठाणे – परळ विशेष लोकल ठाणे येथून रात्री २.१० वाजता सुटेल आणि परळ येथे रात्री २.५५ वाजता पोहोचेल.
परळ – ठाणे विशेष लोकल परळ येथून रात्री १.१५ वाजता सुटेल आणि ठाणे येथे रात्री १.५५ वाजता पोहोचेल. परळ – कल्याण विशेष लोकल परळ येथून रात्री २.२५ वाजता सुटेल आणि कल्याण येथे रात्री ३.४० वाजता पोहोचेल. परळ – कुर्ला विशेष लोकल परळ येथून रात्री ३.०५ वाजता सुटेल आणि कुर्ला येथे रात्री ३.२० वाजता पोहोचेल. हार्बर मार्गावरील वाशी – कुर्ला विशेष लोकल वाशी येथून रात्री १.३० वाजता सुटेल आणि कुर्ला येथे रात्री २.१० वाजता पोहोचेल. पनवेल – कुर्ला विशेष लोकल पनवेल येथून रात्री १.४० वाजता सुटेल आणि कुर्ला येथे रात्री २.४५ वाजता पोहोचेल. वाशी – कुर्ला विशेष लोकल वाशी येथून रात्री ३.१० वाजता सुटेल आणि कुर्ला येथे रात्री ३.४० वाजता पोहोचेल. कुर्ला – वाशी विशेष लोकल कुर्ला येथून रात्री २.३० वाजता सुटेल आणि वाशी येथे रात्री ३.०० वाजता पोहोचेल. कुर्ला – पनवेल विशेष लोकल कुर्ला येथून रात्री ३.०० वाजता सुटेल आणि पनवेल येथे पहाटे ४.०० वाजता पोहोचेल. कुर्ला – वाशी विशेष लोकल कुर्ला येथून पहाटे ४.०० वाजता सुटेल आणि वाशी येथे पहाटे ४.३५ वाजता पोहोचेल, अशी माहिती मध्य रेल्वे प्रशासनाकडून देण्यात आली.
