वृत्तसंस्था : टीव्हीवरील लोकप्रिय रिअॅलिटी शो “महाराष्ट्राचा हास्य जत्रा ” या कार्यक्रमातून घराघरात ओळख निर्माण करणारा अभिनेता प्रभाकर मोरे आज प्रेक्षकांच्या मनात खास स्थान मिळवून बसला आहे. त्यांच्या विनोदशैलीतला साधेपणा, वास्तवाशी जवळीक आणि मनाला भिडणारी माणुसकी. हे त्यांच्या व्यक्तिमत्त्वाचं मोठं वैशिष्ट्य आहे. मात्र, या प्रसिद्धीमागे संघर्षाची कहाणी आहे, जी त्यांच्या पत्नीने अलीकडेच उघड केली. “आमचं भाड्याचं घर, आपल्याच माणसांनी खाली खेचण्याचा प्रयत्न केला होता. पण आज आमचं घर आमच्या कष्टाने सुंदर आणि सजवलेलं आहे,” असं त्या भावनिक स्वरात म्हणाल्या. ही कहाणी केवळ संघर्षाची नाही, तर एका कुटुंबाच्या घरापासून घरपणापर्यंतच्या प्रवासाची आहे.
प्रभाकर मोरेंनी त्यांच्या सोशल मीडियावर त्यांच्या घराचे काही फोटो शेअर केले आहेत. हे फोटो पाहून तुम्हाला देखील वाटेल की आपल्या कलेने लोकांना खळखळून हसवणारे प्रभाकर मोरेंचे खाजगी आयष्य किती साधं आणि सोपे आहे.
