वृत्तसंस्था : बॉलिवूडचा खिलाडी टीव्हीवर येत आहे. त्याच्या नवीन शोची नुकतीच घोषणा झाली आहे. अक्षय कुमारला आता रोज पाहायला मिळणार आहे. त्यामुळे चाहते खूपच खुश आहे. अलिकडेच अक्षय कुमार ‘जॉली एलएलबी ३’ मधून प्रेक्षकांच्या भेटीला आला. त्यानंतर तो अनेक शोमध्ये दिसला. मात्र आता अक्षय कुमार एक नवीन शो घेऊन येत आहे. या धमाकेदार शो चा प्रोमो प्रेक्षकांच्या भेटीला आला आहे.
अक्षय कुमारच्या नवीन शोचे नाव ‘व्हील ऑफ फॉर्च्युन’ (Wheel Of Fortune) असे आहे. या शोचे होस्टिंग अक्षय कुमार करणार आहे. त्यामुळे शोची क्रेझ चाहत्यांमध्ये पाहायला मिळत आहे. या शोमधून सर्वसामान्यांना आपले नशीब पालटण्याची संधी मिळणार आहे. हा टीव्ही शो तब्बल ४० देशांमध्ये प्रसिद्ध आहे. हा शो सोनी एंटरटेनमेंट टेलिव्हिजन आणि सोनी लिव्हवर पाहायला मिळणार आहे. ‘व्हील ऑफ फॉर्च्युन’ च्या प्रोमोने सर्वांचे लक्ष वेधून घेतले आहे. बंगल्यातला नोकर कसा मालक बनतो आणि मालक नोकर हे प्रोमोत पाहायला मिळते.
