RBI ची मोठी कारवाई ! ‘या’ बँकेचा परवाना रद्द तर 4 बँकांना ठोठावला लाखोंचा दंड

नवी दिल्ली : देशातील बँकांवर नियंत्रण ठेवणारी सर्वात मोठी बँक आरबीआय ने पुन्हा एकदा मोठी कारवाई करत केरळमधील अनंतशयनम को-ऑपरेटिव्ह बँक लिमिटेड बँकेचा परवाना रद्द केला आहे. तर दुसरीकडे नियमांचे उल्लंघन केल्याप्रकरणी चार बँकांना मोठा दंडही ठोठावला आला आहे.आम्ही तुम्हाला सांगतो की अनेकदा आरबीआय ग्राहकांची सुरक्षा आणि नियम लक्षात घेऊन बँकांच्या त्रुटींच्या आधारे कारवाई करते.
बँकेचा परवाना रद्द, आरबीआयने जारी केली नोटीस..
अनंतशयनम को-ऑपरेटिव्ह बँक लिमिटेडला 19 डिसेंबर 1987 रोजी परवाना देण्यात आला होता, जो RBI ने रद्द केला आहे. सेंट्रल बँकेने बँकिंग नियमन कायदा 1949 मधील कलम 56 आणि कलम 36A (2) अंतर्गत ही कारवाई केली आहे.
बँकेला आता बँकिंग व्यवसाय बंद करण्याची नोटीस बजावण्यात आली आहे. तथापि, बँक अद्याप एक नॉन-बँकिंग संस्था म्हणून काम करू शकते. गैर-सदस्यांकडून ठेवी तत्काळ प्रभावाने प्रतिबंधित आहेत. यानंतरही, रिझर्व्ह बँकेच्या मागणीनुसार, या बँकेला सभासद नसलेल्यांची न भरलेली आणि दावा न केलेली रक्कम परत करावी लागेल.
या बँकांना दंड ठोठावला
RBI ने श्री वारणा को-ऑपरेटिव्ह बँक लिमिटेड (कोल्हापूर, महाराष्ट्र) वर “ठेव खात्यांची देखभाल – प्राथमिक सहकारी बँका” संबंधी निर्देशांचे पालन न केल्याबद्दल 1 लाख रुपयांचा दंड ठोठावला आहे. एचसीबीएल को-ऑपरेटिव्ह बँक लिमिटेड (लखनऊ, यूपी) वर कर्ज आणि अॅडव्हान्सशी संबंधित नियमांचे उल्लंघन केल्याबद्दल 11 लाख रुपयांचा दंड ठोठावण्यात आला आहे. स्टेट ट्रान्सपोर्ट को-ऑपरेटिव्ह बँक लिमिटेड (मुंबई, महाराष्ट्र) वर “ठेवीदार शिक्षण आणि जागरूकता निधी योजना, 2014” शी संबंधित सूचनांचे पालन न केल्याबद्दल 2 लाख रुपयांचा दंड ठोठावण्यात आला आहे. द सिटिझन्स को-ऑपरेटिव्ह बँक लिमिटेड (जम्मू) ला 6 लाख रुपयांचा दंड ठोठावण्यात आला आहे. या कारवाईमुळे बँक आणि ग्राहक यांच्यात होणाऱ्या व्यवहारांवर कोणताही परिणाम होणार नाही.