मुंबई : मुंबईतील आझाद मैदानावर मराठा आरक्षणासाठी सुरू असलेल्या मनोज जरंगे पाटील यांच्या आंदोलनाचा आज चौथा दिवस आहे. गेल्या तीन दिवसांपासून सीएसएमटी रेल्वे स्टेशन परिसरात आंदोलकांची मोठी गर्दी दिसून येत आहे. या आंदोलनाला पाठिंबा देण्यासाठी राज्यभरातून लाखो आंदोलक आता मुंबईकडे रवाना होत आहेत. यामुळे शहरातील वाहतुकीवर मोठा परिणाम होण्याची शक्यता आहे. सध्याची परिस्थिती लक्षात घेऊन मुंबई पोलिसांनी वाहतुकीत मोठे बदल करण्याचा निर्णय घेतला आहे. वाहतूक कोंडी टाळण्यासाठी आज सीएसएमटी स्टेशनकडे जाणारे सर्व मार्ग बंद करण्यात आले आहेत. त्याचबरोबर आझाद मैदानाबाहेरील महत्त्वाचे मार्गही वाहतुकीसाठी बंद करण्यात आले आहेत.
आंदोलक मोठ्या संख्येने मुंबईत येत आहेत. मुंबई शहर आणि उपनगरातील रस्त्यांवरील वाहतूक धीम्या गतीने सुरु आहे. पोलिसांनी वाहनचालकांना पर्यायी मार्गांचा वापर करण्याचे आवाहन केले आहे. शहरातील कायदा आणि सुव्यवस्था राखण्यासाठी पोलिसांचा मोठा ताफा तैनात करण्यात आला आहे. मराठा आरक्षणाच्या मागणीसाठी मुंबईत हे आंदोलन महत्त्वाचे मानले जाते. आंदोलकांची वाढती संख्या आणि वाहतुकीतील बदलांमुळे मुंबईकरांना मोठ्या समस्यांना सामोरे जावं लागणार आहे. परिस्थिती नियंत्रणात ठेवण्यासाठी पोलीस आणि प्रशासन सर्वतोपरी प्रयत्न करत आहेत.
वाहतुकीत बदल :
- मुंबई सीएसएमटी आणि पालिकाकडे जाणारे सर्व मार्ग आज वाहतुकीसाठी बंद राहतील.
- जेजे उड्डाणपुला मार्गाने मुंबईकडे येणारी वाहने मेट्रो जंक्शन किंवा चर्चगेट स्टेशनमार्गे मुंबई पोलिस आयुक्तालयाच्या मार्गावर वळवली जातील.
- तर मेट्रो जंक्शनपासून ते सीएसएमटीकडे जाणारा आझाद मैदानाच्या मुख्य प्रवेशद्वाराजवळील मुंबई महानगरपालिका रस्ता बंद राहील.
- फॅशन स्ट्रीट, सीएसएमटीकडे जाणारा शिवाय हजारीमल सोमाणी रस्ता आणि आझाद मैदानला लगूनकडे जाणारा रस्ता बंद राहील.
- शिवाय हुतात्मा चौकून सीएमएटकडे जाणारे वाहतूक मार्ग बदलण्यात आले आहेत.
- तसेच मंत्रालयासमोरील मादाम कामा रोड ते मरीनड्राईव्ह जंक्शन हे मार्गही सुरक्षेच्या कारणास्तव पोलिसांनी वाहतूकीसाठी बंद ठेवण्याचा निर्णय घेतला आहे.
- वाहनांच्या वाहतुकीमुळे गेल्या दोन दिवसांपासून बंद असलेला फ्रीवे आज वाहतुकीसाठी खुला राहील.
- मराठा आंदोलनाच्या पार्श्वभूमीवर सीएसएमटी परिसरातील वाहतुकीत बदल झाल्यामुळे, आझाद मैदान, मरीन ड्राइव्ह, पायधुनी आणि वडाळा वाहतूक पोलिसांना फक्त अतिरिक्त मर्यादा देण्यात आली आहे.
- वडाळा वाहतूक पोलीस ३५ आणि आझाद मैदान पोलिस ३५ आणि ७० जणांची अतिरिक्त माहिती कुमक किंवा दोन्ही वाहतूक पोलीस चौक्यांना देण्यात आली आहे.
