लाडक्या बहिणींसाठी ‘लखपती दीदी योजना’ आणणार, मुख्यमंत्री देवेंद्र फडणवीस यांच आश्वासन

वृत्तसंस्था : राज्याचे मुख्यमंत्री देवेंद्र फडणवीस यांची अक्कलकोट येथे जाहीर सभा झाली. भारतीय जनता पार्टी अक्कलकोट, मैनदर्गी आणि दुधणी या तीन गावात लढत आहे. अक्कलकोट येथे मिलन कल्याणशेट्टी, दुधणी नगरपरिषदसाठी अतुल मेळकुंदे आणि मैनदर्गी नगरपरिषदासाठी अंजली बाजारमठ हे भाजप उमेदवार आहेत. त्यांच्या प्रचारासाठी मुख्यमंत्री देवेंद्र फडणवीस आणि पालकमंत्री जयकुमार गोरे हे आज रविवारी सकाळी अक्कलकोट येथे दाखल झाले होते. भाजपचा प्रचार करताना मुख्यमंत्री देवेंद्र फडणवीस यांनी अक्कलकोटच्या विकासासाठी भरगच्च सुविधा देण्याचे आश्वासन दिलं आहे. लाडक्या बहिणींना भविष्यात लखपती करण्यासाठी भाजप लखपती दीदी योजना आणणार आहे, अशी घोषणाच मुख्यमंत्री देवेंद्र फडणवीस यांनी यावेळी केली.