वृत्तसंस्था: बीआर चोप्रा यांच्या ‘महाभारत’मध्ये कर्णाची भूमिका साकारणारे प्रसिद्ध अभिनेते पंकज धीर यांचे निधन झाले आहे. पंकज धीर यांनी आज बुधवारी, १५ सप्टेंबर रोजी अखेरचा श्वास घेतला. पंकज यांचे जुने मित्र अमित बहल यांनी इंडिया टुडेशी बोलताना या वृत्ताची पुष्टी केली.
पंकज धीर ६८ वर्षांचे होते. पंकज यांना कर्करोग झाला होता, त्यावर त्यांनी मात केली होती. पण काही महिन्यांपूर्वी त्यांना पुन्हा कॅन्सरचं निदान झालं. त्यानंतर त्यांची प्रकृती खालवली. त्यांच्यावर उपचारादरम्यान मोठी शस्त्रक्रियाही करण्यात आली होती. पण पंकज यांच्या प्रकृतीत सुधारणा झाली नाही आणि आज त्यांचे निधन झाले. वृत्तानुसार, अभिनेता पंकज धीर यांच्यावर आज (१५ ऑक्टोबर) मुंबईतील विलेपार्ले येथील पवन हंस स्मशानभूमीत अंत्यसंस्कार लवकरच केले जातील. त्यांचे कुटुंबीय आणि जवळचे मित्र, तसेच इंडस्ट्रीतील कलाकार त्यांना श्रद्धांजली वाहण्यासाठी, त्यांचे अंत्यदर्शन घेण्यासाठी जात आहेत.
