वृत्तसंस्था : चेन्नई सुपर किंग्जने आयपीएलच्या ३३ व्या सामन्यात पारंपरिक प्रतिस्पर्धी Mumbai Indians वर १०३ धावांनी एकतर्फी विजय मिळवत दमदार कामगिरी केली. या सामन्यात संजू सॅमसन याने शानदार नाबाद १०१ धावांची खेळी साकारत संघाला भक्कम स्थितीत पोहोचवले. प्रथम फलंदाजी करताना चेन्नईने २० षटकांत २०७ धावा उभारल्या. इतर फलंदाजांना मोठी खेळी करता आली नसली तरी सॅमसनने एकहाती जबाबदारी सांभाळत मैदानाच्या सर्व बाजूंना फटकेबाजी केली. या दमदार खेळीमुळे चेन्नईने मोठा स्कोअर उभा केला आणि सामन्यावर पकड मिळवली.
२०८ धावांच्या आव्हानाचा पाठलाग करताना मुंबई इंडियन्सची सुरुवात अत्यंत खराब झाली. चेन्नईच्या गोलंदाजांनी सुरुवातीपासूनच दबाव निर्माण करत अवघ्या ११ धावांत तीन प्रमुख फलंदाज बाद केले. क्विंटन डी कॉक शून्यावर बाद झाला, तर हार्दिक पांड्या सह अनेक फलंदाज अपयशी ठरले. केवळ सूर्यकुमार यादव (३६) आणि तिलक वर्मा (३७) यांनी काही प्रमाणात लढा दिला, मात्र मोठी भागीदारी उभारण्यात अपयश आले. अखेरीस मुंबईचा संपूर्ण डाव कोसळला. या विजयात अकील हुसैन याने फिरकीच्या जोरावर भेदक मारा करत महत्त्वाची भूमिका बजावली, ज्यामुळे चेन्नईने गुणतालिकेत झेप घेत आपली स्थिती मजबूत केली.
