ठाणे : महाराष्ट्र राज्य परोक्षा परिषदमार्फत दि.२८ डिसेंबर, २०२५ रोजी इ.८ वी साठी घेण्यात आलेल्या राष्ट्रीय आर्थिक दुर्बल घटक विद्यार्थ्यांसाठी शिष्यवृत्ती योजना (NMMS) परीक्षेची अंतिम उत्तरसूची परिषदेच्या https//www.mcepune.in/ https://२०२६ mennms.in/ या संकेतस्थळावर प्रसिध्द करण्यात आली आहे.
या परीक्षेच्या MAT व SAT विषयाच्या पेपरच्या प्रश्नपत्रिकेतील कोणत्याही प्रश्नाबाबत किंवा पर्यायी उत्तराबाबत त्रुटी आक्षेपबाबतचे ऑनलाईन निवेदन दि.१६ जानेवारी २०२६ अखेरपर्यंत पाठविण्याबाबत दि.०९ जानेवारी २०२६ रोजीच्या प्रसिध्दी निवेदनाद्वारे कळविण्यात आले होते. विहित मुदतीत प्राप्त झालेल्या ऑनलाईन निवेदनांवर विषयतज्ज्ञांचे अभिप्राय घेऊन अंतिम उत्तरसूची प्रसिध्द करण्यात आली आहे. या अंतिम उत्तरसूचीबाबत कोणतेही निवेदन आक्षेप स्विकारले जाणार नाहीत, तसेच या परीक्षेसाठी गुणपडताळणी केली जात नाही, याची मुख्याध्यापकांनी, पालकांनी व विद्यार्थ्यांनी नोंद घ्यावी. या अंतिम उत्तरसूचीनुसार राष्ट्रीय आर्थिक दुर्बल घटक विद्यार्थ्यांसाठी शिष्यवृत्ती योजना परीक्षा (NMMS) निकाल परिषदेच्या संकेतस्थळावर प्रसिध्द करण्यात येईल, असे महाराष्ट्र राज्य परीक्षा परिषद, पुणे आयुक्त अनुराधा ओक यांनी कळविले आहे. निवड झालेल्या विद्यार्थ्यांना इयत्ता ९ वी ते १२ वी पर्यंत दरमहा १,००० रुपये (म्हणजेच वार्षिक १२,००० रुपये) शिष्यवृत्ती दिली जाते.
पात्रता निकष :
-
- विद्यार्थी इयत्ता ८ वी मध्ये शासकीय, स्थानिक स्वराज्य संस्था किंवा खासगी अनुदानित शाळेत नियमित शिकत असावा.
- पालकांचे सर्व मार्गांनी मिळून वार्षिक उत्पन्न ३.५० लाख रुपयांपेक्षा जास्त नसावे.
- इयत्ता ७ वी मध्ये किमान ५५% गुण (SC/ST साठी ५०%) असणे आवश्यक आहे.
