वृत्तसंस्था : अभिनेता आमिर खान हा भारतातील सर्वात मोठ्या सुपरस्टारपैकी एक आहे. त्याच्या दमदार अभिनयानं त्यानं अनेकांचं मनं जिंकलं आहेत. त्यानं मनोरंजनाच्या जगात सातत्यानं योगदान दिलं आहे. त्याच्या उत्कृष्ट यशाची आणि कामाची दखल घेत, आमिर खानला पहिल्या आरके लक्ष्मण पुरस्कारानं सन्मानित करण्यात आलं आहे. आमिर खान हा आरके लक्ष्मण पुरस्कार मिळवणारा पहिला अभिनेता ठरला आहे. प्रसिद्ध कार्टूनिस्ट आरके लक्ष्मण यांना समर्पित पुरस्कार आहे, ज्याची सुरुवात त्यांच्या कुटुंबानं केली होती. पुरस्काराची रात्र सुंदर होती, जिथे संगीत, कला आणि वारसा सर्व एकत्र आले. आमिर खानला बोमन इराणी यांच्याकडून हा विशेष सन्मान मिळाला.
भव्य पुरस्कार रात्रीची झलक शेअर करताना सोशल मीडियावर लिहिले गेले, ‘सर्वात संस्मरणीय पद्धतीनं एका दिग्गजाचा सन्मान करताना, आमिर खानला बोमन इराणी यांच्याकडून पहिला आरके लक्ष्मण उत्कृष्टता पुरस्कार मिळाला आणि हजारो लोक या खास क्षणाचे साक्षीदार झाले. ती एक अशी संध्याकाळ होती जिथे संगीत, कला आणि वारसा हे सर्व एकाच मंचावर एकत्र चमकले.’ पुरस्कारांसह ऑस्कर विजेते संगीतकार ए.आर. रहमान यांनी सादर केलेल्या लाईव्ह कॉन्सर्टचा समावेश होता. हा समारंभ एमसीए क्रिकेट स्टेडियममध्ये झाला, कार्टूनिस्ट आरके लक्ष्मणनं यांनी भारतातील सर्वात प्रिय पात्रांपैकी एक, ‘द कॉमन मॅन’, तयार केले आहे. दरम्यान आरके लक्ष्मण यांना अनेक महत्त्वपूर्ण सन्मान मिळाले आहेत. त्यांना पद्मभूषण, पद्मविभूषण आणि म्हैसूर विद्यापीठाकडून मानद डॉक्टरेट मिळाली आहे.
