नवी मुंबई : आपला सत्यवार्ता – पनवेल वार्ता दिवाळी विशेषांक २०२५ चा भव्य प्रकाशन सोहळा लोकनेते, माजी खासदार श्री. रामशेठ ठाकूर यांच्या हस्ते पार पडला. या प्रसंगी रेश्मा जगताप, निलेश लंके, संपादिका रुपाली शिंदे, स्नेहा धुमाळ, रोहित गुप्ता तसेच प्रमुख भाजपा कार्यकर्ते उपस्थित होते.
कार्यक्रमादरम्यान लोकनेते रामशेठ ठाकूर यांनी “आपला सत्यवार्ता – पनवेल वार्ता” हे प्रामाणिकपणे सुरू असलेल्या कार्याचे जिवंत उदाहरण असल्याचे सांगितले. महिलांसाठी हा विशेषांक समर्पित असून धडाडीच्या महिला पत्रकार महिलांची बाजू मांडत समाजात सकारात्मक बदल घडवत आहेत, असे मत त्यांनी व्यक्त केले. आपले मनोगत व्यक्त करताना त्यांनी संपादिका सौ. रुपाली शिंदे यांचे कौतुक करत पुढील वाटचालीस शुभेच्छा दिल्या.उपस्थित रेश्मा जगताप, माझी खासदार निलेश लंके,स्नेहा धुमाळ, रोहित गुप्ता व इतर भाजपा पदाधिकारी उपस्थित होते कार्यक्रमादरम्यान मान्यवरांनी सत्यवार्ता – पनवेल वार्ताच्या सामाजिक बांधिलकीचे कौतुक केले.
