वृत्तसंस्था : भारत पेट्रोलियम कॉर्पोरेशन लिमिटेड (BPCL) ने गुरुग्राम, हरियाणा येथे देशातील पहिले ‘एलपीजी एटीएम’ (LPG ATM) किंवा ‘गॅस व्हेंडिंग मशीन’ प्रायोगिक तत्त्वावर सुरू केले आहे. या मशीनमुळे ग्राहकांना आता गॅस एजन्सीच्या डिलिव्हरीवर अवलंबून न राहता अवघ्या काही मिनिटांत भरलेला सिलेंडर मिळू शकणार आहे. या ‘गॅस एटीएम’ची प्रमुख वैशिष्ट्ये आहेत की, हे एटीएम २४ तास सुरू राहणार असल्याने ग्राहक त्यांच्या सोयीनुसार कधीही सिलेंडर घेऊ शकतात. रिकामं सिलेंडर मशीनमध्ये जमा केल्यावर डिजिटल पेमेंट केल्यानंतर फक्त २ ते ३ मिनिटांत भरलेलं सिलेंडर बाहेर येते. या मशीनमधून हलक्या वजनाचे आणि पारदर्शक ‘कंपोझिट’ सिलेंडर दिले जातात. पारदर्शक असल्याने सिलेंडरमध्ये किती गॅस आहे हे ग्राहकांना सहज पाहता येते. पारंपारिक लोखंडी सिलेंडरचे वजन (गॅससह) ३१ किलो असते, तर या नवीन फायबर-आधारित कंपोझिट सिलेंडरचे वजन फक्त १५ किलो आहे, ज्यामुळे ते वाहून नेणे सोपे जाते.
हे एटीएम कसे वापरावे?
- मशीनवर तुमचारजिस्टर्ड मोबाईल नंबर टाका.
- मोबाईलवर आलेलाOTP टाका.
- रिकाम्या सिलेंडरवरीलबारकोड किंवा QR कोड स्कॅन करा.
- UPI, डेबिट किंवा क्रेडिट कार्डद्वारेपेमेंट पूर्ण करा.
- मशीन रिकामं सिलेंडर आत घेईल आणि तुम्हाला भरलेलं सिलेंडर देईल.
हे देशातील पहिले ‘स्मार्ट गॅस एटीएम’ सध्या केवळ गुरुग्राम (सेक्टर ३३, सोहना) येथे बसवण्यात आले आहे. या प्रायोगिक प्रकल्पाच्या यशानंतर हे मॉडेल महाराष्ट्र आणि पुण्यात देखील राबवण्याचा विचार केला जाऊ शकतो.
