सीएसएमटीहून १२:१४ ला शेवटची लोकल; मध्य, हार्बर रेल्वेवर उद्या मध्यरात्री ‘ब्लॉक’

मुंबई : कर्नाक बंदर पुलाच्या कामासाठी शनिवारी मध्यरात्री १२:३० ते पहाटे ४:३० वाजेपर्यंत मध्य रेल्वेकडून ब्लॉक घेण्यात येणार आहे. या काळात मुख्य मार्गावर लोकल भायखळा, परळपर्यंतच चालविल्या जातील. तर, हार्बर मार्गावर लोकल वडाळा स्थानकापर्यंतच चालविली जाईल. या ब्लॉकमुळे सीएसएमटी येथून शेवटची कसारा लोकल १२:१४ वाजता सुटेल; तर सीएसएमटीसाठी शेवटची लोकल कल्याण येथून १०:३४ वाजता सुटेल. डाउन मार्गावरील सकाळची पहिली लोकल सीएसएमटी येथून कर्जतसाठी ४.४७ वाजता सुटेल, तर अप मार्गावरील सीएसएमटीसाठी पहिली लोकल ठाणे येथून पहाटे ४ वाजता सुटेल.