वृत्तसंस्था : “बिग बॉस १९” या रिॲलिटी शोमध्ये दररोज नवीन ड्रामा प्रेक्षकांना पाहायला मिळत आहे. अलिकडेच अभिषेक बजाज आणि अशनूर कौरमुळे संपूर्ण घराला शिक्षा झाली. कॅप्टन मृदुल तिवारीच्या कॅप्टनशिपमध्येही दुरावा निर्माण झाला. आता, “बिग बॉस १९” च्या घराला त्याचा नवा कॅप्टन, प्रणित मोरे सापडला आहे. अखेर प्रणितला ‘बिग बॉस’च्या घराची सत्ता मिळाली आहे. आता या खेळाला आणखी रंगत येणार आहे. या बातमीने प्रणितच्या चाहत्यांना आनंद झाला आहे.
या आठवड्यात, गौरव खन्ना, प्रणित मोरे, मालती चहर आणि शाहबाज बदेशा यांनी कॅप्टनशिपसाठी टास्क जिंकला. बिग बॉसने सर्वांना असेंब्ली रूममध्ये बोलावले आणि त्यांना कॅप्टन म्हणून पाहू इच्छिणाऱ्या दोन स्पर्धकांना मतदान करण्यास सांगितले. प्रणित मोरे आणि शाहबाज यांना सर्वाधिक मते मिळाली. पुढे, एक टास्क घेण्यात आला ज्यामध्ये घरातील सदस्य प्रणित मोरे किंवा शाहबाज बदेशा यांना कॅप्टन बनवायचे असेल तर जास्तीत जास्त चेंडू टाकतील असे ‘बिग बॉसने सांगितले. प्रणित मोरे हा टास्क जिंकला आहे आणि घराचा नवा कॅप्टन बनला आहे.
