२३ माजी संचालक सभापती सह सचिवा विरोधात एपीएमसी चटई क्षेत्र घोटाळा प्रकरणी गुन्हा दाखल

मुंबई कृषी उत्पन्न बाजार समितीत  २००८ ते २०१३ या कालावधीत या घोटाळा प्रकरणी  विशेष लेखा परीक्षक प्रकाश मांढरे यांनी दिलेल्या तक्रारीची दखल घेत एपीएमसी पोलीस ठाण्यात गुन्हा दाखल करण्यात आला आहे. मुंबई कृषी उत्पन्न बाजार समिती, वाशी, नवी मुंबई येथील बाजार आवारातील बाजार समिती आवार क्रमांक  एक मधील विकास टप्पा दोन मध्ये ८२ हजार २७९ चौरस मीटर चटई क्षेत्र पैकी ५० हजार चौरस मीटर चटई क्षेत्र वापरण्याची परवानगी देण्यात आली होती. त्यानुसार ४६६ गाळे धारकांना एकूण ४ लाख ४३ हजार ३९१. ६६ चौरस फूट चटई क्षेत्राचे वाटप केले गेले . या चटई क्षेत्राचे पहिल्या माळ्यासाठी ३०६६ रुपये तर अन्य तळमजला साठी प्रति चौरस फूट २ हजार रुपये आकारणी करून पैसे वसूल होणे अपेक्षित होते. मात्र प्रत्यक्षात प्रति चौरस फूट केवळ सहाशे रुपये वसूल करण्यात आले. याबाबत मूल्यांकन करण्याचे वास्तूकला आर्किटेक्ट शरद चालिकवार यांनी १० जुलै २०१० ला सांगण्यात आले होते. त्यांनी दिलेल्या मूल्यांकन माहिती नुसार पहिल्या मजल्यावरील व्यावसायिक मूल्य ३ हजार ६६ रुपये प्रति चौरस फूट तर बांधकामाची रक्कम वगळता चटई क्षेत्र दर  २ हजार प्रति चौरस फूट असल्याचे प्रथम संदर्भ अहवालात नमूद करण्यात आले आहे. हा प्रकार ३० जून २००९ ची उपासभती सभा किंवा २१ ऑगस्ट २००९ संचालक मंडळ सभा किंवा ११ सप्टेंबर २००९ संचालक मंडळ सभा या सर्व सभा किंवा त्या पैकी एखाद्या किंवा दोन सभेत झाला आहे. विशेष म्हणजे ६०० रुपये प्रति चौरस फूट हा दर निश्चित केल्याचा ठराव जेव्हा समिती समोर आला सदर ठरावांना कोणताही विरोध न दर्शविता सदरचे ठराव सर्वानुमते मंजूर केलेले असून सचिव  या नात्याने स्वतःच्या पदाचा दुरूपयोग करून, सर्वांनी आपसात संगनमत करून ठराव मंजूर केला. त्यामुळे शासनाचा तब्बल ६२ कोटी ७ लाख ४८ हजार ३२४ रुपयांचा महसूल बुडवल्याचा ठपका ठेवत सभापती संचालक आणि एपीएमसी सचिव यांनी संगनमताने २३ संचालक सभापती आणि एका सचिवा विरोधात शासनाची फसवणूक , विश्वासघात, सरकारी व्यक्ती असून शासनाची फसवणूक, संगनमत करणे अशा गंभीर कलमान्वये गुन्हा दाखल करण्यात आला आहे.