वृत्तसंस्था : आजकाल सलमान खान त्याच्या आगामी ‘मातृभूमी’ चित्रपटाच्या प्रमोशनमध्ये व्यस्त आहे. हा चित्रपट लवकरच चित्रपटगृहांमध्ये प्रदर्शित होणार असून ईदच्या निमित्ताने भाईजानने चाहत्यांना खास भेट दिली आहे. सलमान खानने आपल्या इन्स्टाग्राम अकाउंटवर चित्रपटातील ‘मैं हूँ…’ या गाण्याचा व्हिडिओ शेअर केला असून या गाण्याला चाहत्यांकडून उत्स्फूर्त प्रतिसाद मिळत आहे. गाण्यात सलमान अभिनेत्री Chitrangda Singh सोबत रोमँटिक अंदाजात दिसत असून त्याची स्टाईल आणि स्क्रीन प्रेझेन्स चाहत्यांना विशेष भावली आहे. हे गाणे प्रसिद्ध गायिका श्रेया घोषयाल यांनी गायले आहे. गाण्यात चित्रांगदाचे पात्र सीमेवर देशाचे रक्षण करणाऱ्या आपल्या पतीची आठवण काढताना दाखवण्यात आले आहे.
या गाण्याला चाहत्यांसोबतच बॉलिवूडमधील अनेक कलाकारांनीही पसंती दिली आहे. राखी सावंत , कुणालिका सदानंद आणि इतर अनेक सेलिब्रिटींनी सलमान खानच्या पोस्टवर प्रतिक्रिया देत त्याचे कौतुक केले तसेच ईदच्या शुभेच्छाही दिल्या. ‘मातृभूमी’ या चित्रपटात सलमान खान एका लष्करी अधिकाऱ्याच्या भूमिकेत दिसणार असून तो चिनी सैनिकांशी लढताना पाहायला मिळणार आहे. या चित्रपटात सलमानच्या नायिकेच्या भूमिकेत चित्रांगदा सिंग आहे. गाण्याच्या यशानंतर आता चाहत्यांची चित्रपटाबद्दलची उत्सुकता आणखी वाढली आहे.
