नाशिक : माणिकराव कोकाटे यांचा मंत्रिपदाचा राजीनामा राज्यपालांनी आज मंजूर केला आहे. नाशिक कोर्टानं शिक्षा कायम ठेवल्यानंतर कोकाटेंनी आपला राजीनामा अजित पवारांकडे सोपवला होता. अजित पवारांनी तो मुख्यमंत्र्यांकडे पाठवला होता. हा राजीनामा राज्यपालांनी मंजूर केलाय.
माणिकराव कोकाटे यांच्यावर लीलावती रूग्णालया उपचार सुरू आहेत. नाशिक पोलिस त्यांना अटक करण्यासाठी मुंबईत पोहचले आहेत. डॉक्टरांच्या सल्ल्यानंतर पोलिस कोकाटेंना अटक करतील, असे म्हटले जातेय. पण दुसरीकडे कोकाटे यांनी अटकेपासून वाचण्यासाठी उच्च न्यायालयात धाव घेतली आहे. आज यावर सुनवाणी होणार आहे. त्यांना जेल होणार की बेल, हे काही तासात स्पष्ट होणार आहे.
