आईस्क्रीममध्ये मानवी बोट, उत्पादकाचा परवाना रद्द

मुंबईतील मालाड पश्चिम येथे एका २६ वर्षीय डॉक्टरने आईस्क्रीम कोनमध्ये मानवी बोट सापडल्याचा आरोप केल्यामुळे एफएसएसएआय पश्चिम विभागीय कार्यालयाने एका आईस्क्रीम उत्पादकाचा परवाना रद्द केला आहे. हा आईस्क्रीम उत्पादक पुण्याचा असून एफएसएसएआयच्या पश्चिम क्षेत्रीय कार्यालयाच्या पथकाने आइस्क्रीम उत्पादकाच्या जागेची तपासणी केली आहे व त्याचा परवाना निलंबित करण्यात आला आहे, असे एफएसएसएआयने आपल्या उत्तरात म्हटले आहे. मात्र, फॉरेन्सिक लॅबचा अहवाल अद्याप आलेला नाहीय. एफएसएसएआय पुढे म्हणाले की, आईस्क्रीमची डिलिव्हरी करणारा आईस्क्रीम उत्पादक पुण्यातील इंदापूर येथील आहे आणि त्याच्याकडे केंद्रीय परवानाही नाही. पुढील तपास पथकाच्या तपासासाठी एफएसएसएआयने विक्रेत्याच्या आवारातून नमुने गोळा केले आहेत. राज्य एफडीएने मुंबईतील विक्रेत्याच्या जागेचीही तपासणी केली आहे आणि बॅचचे नमुने घेतले आहेत. तक्रारदारच्या म्हणण्यानुसार त्याच्या बहिणीने त्याला भेट दिली आणि ते आईस्क्रीम किराणा ॲपद्वारे युम्नोकडून तीन आईस्क्रीम ऑर्डर केल्या होत्या ज्या रात्री १० वाजता घरी पोहोचल्या, असे अन्न सुरक्षा मंडळाने सांगितले. डॉक्टरच्या पोलिस तक्रारीत, त्याने म्हटले आहे की, त्याने एक घास घेतला आणि त्यावेळी त्याला त्याच्या तोंडात काहीतरी असामान्य वाटले आणि जेव्हा त्याने ते नीट तपासले तेव्हा त्याला मानवी बोटासारखे मांस दिसले. नंतर, त्याने फोटो क्लिक करून कंपनीच्या इंस्टाग्राम पेजवर शेअर केला.