व्हॉट्सॲपचा धमाका! फक्त १५ मिनिटांत चॅट होणार गायब

वृत्तसंस्था : व्हॉट्सअ‍ॅप (WhatsApp) एका नवीन प्रायव्हसी फिचरवर काम करत आहे, ज्यानुसार तुमचे मेसेज वाचल्यानंतर अवघ्या १५ मिनिटांत आपोआप गायब होतील. प्राप्तकर्त्याने मेसेज वाचल्यापासून बरोबर १५ मिनिटांनी तो सेंडर आणि रिसीव्हर दोघांच्याही चॅटमधून गायब होईल. जर मेसेज वाचला गेला नाही, तर तो २४ तासांनंतर आपोआप डिलीट होईल. ओटीपी (OTP), पासवर्ड किंवा इतर कोणतीही गोपनीय माहिती शेअर करण्यासाठी हे फिचर अत्यंत फायदेशीर ठरेल. विशेष म्हणजे, समोरच्या व्यक्तीने ‘रीड रिसीट्स’ (Read Receipts) बंद ठेवल्या असतील, तरीही मेसेज ओपन केल्यावर व्हॉट्सअ‍ॅपला ते समजेल आणि टायमर सुरू होईल. हे फिचर सध्या विकसित करण्याच्या टप्प्यात आहे आणि लवकरच सर्व युजर्ससाठी उपलब्ध होण्याची शक्यता आहे. सध्या व्हॉट्सअ‍ॅपवर मेसेज गायब होण्यासाठी २४ तास, ७ दिवस आणि ९० दिवस असे पर्याय उपलब्ध आहेत, परंतु १५ मिनिटांचा हा नवीन पर्याय अधिक सुरक्षित मानला जात आहे.