१८ वर्षांखालील मुलांच्या AI वापरावर मेटाची बंदी

मुंबई : मेटा कंपनीनं (इन्स्टाग्राम आणि व्हॉट्सअ‍ॅपची मालक कंपनी) एक मोठा निर्णय घेतला आहे. आता १८ वर्षांखालील मुलांना मेटाच्या AI कॅरेक्टर्स (म्हणजे वेगवेगळ्या मजेदार किंवा काल्पनिक पात्रांशी चॅट करायला मिळणारे AI) वापरता येणार नाहीत. हे AI तात्पुरतं बंद करण्यात आलं आहे. नवीन नियम येईपर्यंत ते बंदच राहील. ज्या मुल/मुली अल्पवयीन आहेत, त्यांना आता मेटा AI चा वापर करता येणार नाही. मेटा कंपनी वापरकर्त्यांच्या खात्यावरून त्यांची माहिती घेईल. त्यानंतर हे नियम अल्पवयीन मुलांवर लागू होतील. पण मेटाचा मुख्य AI असिस्टंट (साधा चॅट करणारा) मुलांना अजूनही वापरता येईल. फक्त ते मजेदार कॅरेक्टर्स वापरू शकत नाहीत. AI नावाच्या कंपनीनंही गेल्या वर्षी मुलांसाठी AI चॅटचा वापर बंद केला होता. या चॅटबॉटवर एका मुलाने AI सोबत संवाद साधत आत्महत्या केल्याचा दावा आहे. मुलांच्या सुरक्षिततेसाठी मोठ्या कंपन्या आता AI चॅटबॉट्सवर कडक नियम करत आहेत. मेटानंही आता किशोरवयीन मुलांसाठी AI कॅरेक्टर्स तात्पुरतं बंद केले आहेत. कंपनी आपल्या ॲप्समधील AI सामग्री वापरणाऱ्या किशोरवयीन मुलांच्या प्रवेशावर कठोर कारवाई करत आहे.