वृत्तसंस्था : दिल्लीतील लाल किल्ल्याजवळ झालेल्या स्फोटातून अद्यापही देश सावरला नाही. या घटनेला ४ दिवस पूर्ण होत नाहीत तोवर श्रीनगरमधून धक्कादायक घटना समोरआलीय. जम्मू-काश्मीरच्या श्रीनगरजवळील नौगाम पोलीस ठाण्यात रात्री ११ वाजून २० मिनिटांनी मोठा स्फोट झाला. हा स्फोट इतका जोरदार होता की परिसरातील खिडक्या फुटल्या आणि ७-८ वाहने पूर्णपणे नष्ट झाली.
या घटनेचे सीसीटीव्ही फुटेज समोर आले आहेत. त्यातून स्फोटाचा आवाज दूरपर्यंत पोहोचल्याचे दिसते, ज्यामुळे आगीची लाटही पसरली. या दुर्घटनेत एका व्यक्तीचा मृत्यू झाला, तर ८ जण गंभीर जखमी झाले. जखमींना त्वरित रुग्णवाहिकांनी रुग्णालयात नेले. स्फोटाची खबर मिळताच अग्निशमन दल, रुग्णवाहिका आणि वरिष्ठ पोलीस अधिकारी घटनास्थळी पोहोचले. बचावकार्य वेगाने सुरू आहे. हा प्रकार ‘व्हाइट-कॉलर’ दहशतवादी गटाच्या चौकशीशी जोडला जात आहे. यासंदर्भात नौगाम ठाण्यात या प्रकरणाची पहिली एफआयआर नोंदवली गेली होती. पकडलेले 8 आरोपी या आंतरराज्यीय मॉड्यूलचे सदस्य आहेत. स्फोट अचानक झाल्याने ठाण्यातील अनेक कर्मचारी जखमी झाले. ठाणे सुरक्षा दृष्ट्या महत्त्वाचे असल्याने परिसर सील करण्यात आला. जम्मू-काश्मीर पोलीस, भारतीय लष्कर आणि सीआरपीएफचे जवान घटनास्थळी दाखल झाले. संपूर्ण भागात सुरक्षा वाढवली असून, चौकशी आणि मदतकार्य जोरात सुरू आहे.
