हिवाळ्यात भूईमुगाचे दाणे खा, मिळतात आश्चर्यकारक फायदे

भूईमुगाचे दाणे : पावसाळ्यानंतर आता हिवाळ्याची चाहूल लागली आहे. हिवाळा हा आरोग्यदायी ऋतू मानला जातो. या ऋतूत शरीराला उबदार ठेवण्यासाठी उबदार कपडे परिधान करण्यासह विविध प्रकारचा सुकामेवा देखील खाल्ला जातो. हिवाळ्यात शरीरात उर्जा टिकून राहावी म्हणून काजू-बदामसारखा सुकामेवा खाण्याचा सल्ला दिला जातो. या सुकामेव्यात मुबलक प्रमाणात पोषकतत्वे असतात. मात्र, हा सुकामेवा महाग असल्याने प्रत्येकाला ते आर्थिकदृष्ट्या परवडणारे नाही. त्यामुळे आम्ही तुम्हाला अशा एक सुकामेव्याबद्द सांगणार आहोत जो सर्वसामान्यांना सहज परवडणारा आहे. तसेच हा सुकामेवा प्रत्येक स्वयंपाक घरात सहज अढळतो. चला जाणून घेऊया कोणता आहे हा सुकामेवा आणि काय आहे त्याचे अश्चर्यकारक फायदे.

हिवाळ्या सुदृढ आरोग्यासाठी पौष्टीक आहार घेण्याचा सल्ला दिला जातो. यात सुकामेव्याला विशेष प्राधान्य दिले जाते. मात्र, प्रत्येकाला काजू-बदामाचा खर्च परवडण्यासारखा नाही. अशा परिस्थित काजू-बदाम सारख्या सुकामेव्यालाही पोषक तत्तवाच्या बाबतीत मागे टाकणारा पदार्थ म्हणजे शेंगदाणे. हिवाळ्यात शेंगदाणे खाणे जवळपास सर्वांना आवडते. काहींना खारे शेंगदाणे तर काहींना गुळासोबत शेंगदाणे खायला आवडते. शेंगदाणे हे पौष्टीक तसेच सर्वसामान्यांना परवडणारे देखील आहे. आरोग्यासाठी फायदेशी असलेल्या शेंगदाण्यात प्रोटीन, फायबर, व्हिटॅमिन आणि मिनरल्स मुबलक प्रमाणात आढळतात. हे पोषकतत्वे तुम्हाला निरोगी ठेवण्यास मदत करतात. तसेच मुबलक प्रमाणात प्रथिने असल्याने ते स्नायू देखील मजबूत करतात.

मिळतात हे आश्चर्यकार फायदे :

मुबलक प्रमाणात प्रथिने – शेंगदाणे हा प्रथिन्यांचा उत्तम स्त्रोत मानला जातो. शेंगदाण्यामध्ये भरपूर प्रमाणात प्रथिने असतात. स्नायूंच्या वाढीसाठी आणि मजबुतीसाठी प्रथिने आवश्यक असतात.

वजन नियंत्रणात ठेवतं – शेंगदाण्यामध्ये फायबर आणि प्रथिने असतात, जे भूक नियंत्रित करतात. याचा लाभ वजन कमी करण्यासाठी होतो.

सुदृढ हृदय – शेंगदाण्यामध्ये मोनोसॅच्युरेटेड फॅट आणि पॉलीसॅच्युरेटेड फॅट असते, जे हृदयाच्या आरोग्यासाठी चांगले असते.

मेंदूला चालना – शेंगदाण्यामध्ये व्हिटॅमिन B3 (नियासिन) आणि रेझवेराट्रोल असते, जे मेंदूच्या कार्याला चालना देतात.

मजबूत हाडे – कॅल्शियम, मॅग्नेशियम आणि फॉस्फरस सारखी खनिजे मुबलक प्रमाणात असलेले शेंगदाणे हाडांच्या आरोग्यासाठी देखील फायदेखशीर आहे. यामुळे हाडे मजबूत होतात.

ऊर्जेचा उत्तम स्त्रोत – शेंगदाण्यामध्ये कार्बोहायड्रेट्स आणि प्रथिने मुबलक प्रमाणात अढळतात. हे पोषकतत्वे शरीराला जलद ऊर्जा प्रदान करतात.

पचनक्रिया – शेंगदाण्यामधील फायबर पचनक्रिया सुरळीत राखण्यासाठी आणि बद्धकोष्ठतासारख्या समस्यांपासून आराम मिळवून देण्यास मदत करते.

(टीप: वरील लेख हा सामान्य माहितीवर आधारित आहे. कोणताही उपाय करण्यापूर्वी किंवा अधीक माहितीसाठी संबंधित तज्ज्ञांचा सल्ला आवर्जून घ्या.)