पाच महिन्यांत ५८१ जण जखमी, १९ जण बेपत्ता; लोकलमधील गर्दीचे २५६ बळी!

मुंबई : साेयीचा प्रवास म्हणून महामुंबईकर लाेकलला पसंती देतात. यामुळे मोठी गर्दी पाहावयास मिळते. गेल्या ५ महिन्यांत या गर्दीमुळे २५६ प्रवाशांनी आपला जीव गमावला. तर ५८१ प्रवासी जखमी झाले आहेत. धावपळीच्या जीवनात प्रत्येकाची वेळेवर इच्छितस्थळ, कार्यालय, शाळा-महाविद्यालय गाठण्यासाठी धावपळ सुरू असते. या जीवघेण्या प्रवासात आतापर्यंत २२६ पुरुष, तर २४ महिला असे एकूण २५० प्रवासी धावत्या लाेकलमधून पडले, तर खांबाची धडक बसल्याने २ आणि रेल्वे गाडी व फलटाच्या माेकळ्या जागेत पडून ४ असे एकूण २५६ प्रवासी मृत्युमुखी पडले आहेत.