वसई : वसई-विरारच्या बाजारपेठेत सध्या पिवळ्या गराच्या कलिंगडाने (Yellow Watermelon) सर्वांचे लक्ष वेधून घेतले आहे. वाढत्या उन्हाळ्यामुळे थंड आणि रसाळ फळांना मागणी वाढत असतानाच हे नवीन फळ खवय्यांसाठी एक पर्वणी ठरत आहे. हे कलिंगड बाहेरून नेहमीच्या कलिंगडाप्रमाणे हिरवे दिसते, मात्र कापल्यानंतर आतून त्याचा गर गडद पिवळा असतो. हे लाल कलिंगडाच्या तुलनेत अधिक रसाळ, मधूर आणि मधासारखे गोड लागते. सध्या वसईच्या बाजारात लाल कलिंगड ₹४० प्रति किलोने विकले जात असताना, या विशेष पिवळ्या कलिंगडाचा दर ₹५० प्रति किलो आहे.
आरोग्यदायी फायदे :
- यात व्हिटॅमिन A आणि C मुबलक प्रमाणात असून ते डोळ्यांच्या आरोग्यासाठी आणि रोगप्रतिकारक शक्ती वाढवण्यासाठी फायदेशीर आहे.
- यात ‘बीटा कॅरोटीन’चे प्रमाण अधिक असल्याने कर्करोगाचा धोका कमी करण्यास मदत होते.
- शरीरातील पाण्याची पातळी (Hydration) टिकवून ठेवण्यासाठी हे उत्तम फळ आहे.
