आता एका सिगारेटसाठी मोजावे लागणार ७२ रुपये?

नवी दिल्ली : धूम्रपान करणाऱ्यांसाठी महत्त्वाची बातमी आहे.आता एका सिगारेटची किंमत १८ रुपयावरून थेट ७२ रुपयांवर जाण्याची शक्यता आहे. केंद्र सरकारने तंबाखूजन्य पदार्थांवरील उत्पादन शुल्कात प्रचंड वाढ करण्याचा निर्णय घेतला आहे. या शुल्कवाढीमुळे थेट सिगारेटची किंमत वाढणार आहे. अर्थ राज्यमंत्री पंकज चौधरी यांनी मांडलेल्या या विधेयकाला संसदेने मंजुरी दिली आहे. यामुळे सिगरेट, सिगार, हुक्का आणि खैनीच्या किमती लवकरच गगनाला भिडणार आहे. सिगारेटची लांबी आणि प्रकारानुसार हा कर आकारला जाणार असून, एका सिगरेटची किंमत ७२ रुपयांपर्यंत जाण्याची शक्यता आहे.