स्टील मार्केटमध्ये अतिशय उत्तम अशी कामगिरी केल्यानंतर आता जेएसडब्ल्यू ग्रुप आता ईव्ही च्या मार्केट मध्ये उतरण्याची तयारी करत आहे. जेएसडब्ल्यू ग्रुप म्हणजेच जिंदाल स्टील वर्क्स आता इलेक्ट्रिक वाहनांच्या सेगमेंटमध्ये पदार्पण करणार आहे. सज्जन जिंदाल यांच्या नेतृत्वाखालील जेएसडब्ल्यू ग्रुपने HI.COM काही महिन्यांपूर्वी एमजी मोटर इंडियामध्ये जवळपास 1500 कोटी डॉलरची गुंतवणूक केली होती आणि एमजी ब्रँडची मालकी असलेल्या चीनच्या SAIC Motor सह जॉइंट व्हेंचर बनवले होते.
जेएसडब्ल्यू ग्रुप हा आता टाटा आणि महिंद्रासारख्या कंपन्यांना टक्कर देण्याच्या तयारीत असल्याचे स्पष्टपणे दिसून येत आहे. दरम्यान, जेएसडब्ल्यू ग्रुप आता स्वतःचा ईव्ही ब्रँड लॉन्च करण्याच्या तयारीतसुद्धा आहे. टाटा आणि महिंद्रा या भारतातील कंपन्या आहेत, ज्या पूर्णपणे होम ग्रोन ईव्ही ब्रँड आहेत. आता जेएसडब्ल्यू ग्रुप देखील ईव्हीच्या स्पर्धेत उतरणार आहे.
ईटीच्या एका रिपोर्टनुसार, सज्जन जिंदाल यांचे म्हणणे आहे की, त्यांना भारतात फक्त चीनी कंपनीचे (एमजी मोटर) विक्रेता म्हणून राहायचे नाही, परंतु त्यांना भारतातच प्रोडक्ट बनवून व्हॅल्यू एडिशन करायचे आहे. तसेच, त्यांच्या कंपनीने तयार केलेल्या गाड्या भारतात विकायच्या आहेत.
दरम्यान, एमजी मोटर हा ब्रिटीश ब्रँड आहे, परंतु आज तो चीनच्या SAIC Motor च्या मालकीचा आहे, जी चीन देशाची सरकारी ऑटोमोबाईल कंपनी आहे. काही महिन्यांपूर्वी जिंदाल ग्रुपने एमजी मोटर इंडियामध्ये 35 टक्के हिस्सा खरेदी करून जॉइंट व्हेंचर बनवले होते. या जॉइंट व्हेंचरची पहिली कार MG Windsor EV भारतात लाँच झाली आहे आणि ती Tata Nexon EV ला चांगलीच टक्कर देत आहे.
